Bakı şəhərində karate üzrə uşaq, yeniyetmə və gənclər arasında 29-cu ölkə birinciliyi, böyüklər və parakarateçilər arasında 32-ci ölkə çempionatının açılış mərasimi keçirilib. Fövqəladə Hallar Nazirliyinin (FHN) İdman-Sağlamlıq Mərkəzində təşkil olunan yarışda 50 klub və müxtəlif regionları təmsil edən idmançılar iştirak edib.

Naxçıvan karateçiləri qələbə uğrunda mübarizədə 4 bürünc medal qazanmaqla mükafatçılar sırasına düşüblər. Təmsilçilərimizdən Vüsal Seyidov (60kq) 21 yaşadək idmançılar arasında, Yusif İsmayılov (67kq) eyni və 18+ yaş kateqoriyaları üzrə iki dəfə, Azər Məmmədli isə parakarate yarışında kata üzrə üçüncü yerə layiq görülüblər.